monumenta.ch > Plinius Minor > 13 > 21 > 31 > 13 > 12 > 2 > 26 > 4 > 14 > 20 > 1 > 26 > 14 > 20 > 84 > 2 > 19 > 3 > 1 > 15 > 2 > 12 > 19 > 13 > 8 > 12 > 6 > 99 > 13 > 3 > 7 > 14 > 4 > 31 > 14 > 19 > 10 > 51 > 6 > 1 > 3 > 11 > 10 > 26 > 5 > 14 > 3 > 2 > 14 > 30 > 23 > 96 > 3 > 3 > 10 > 27 > 19 > > 19 > 3 > 7 > 3 > 3 > 11 > 16 > 48 > 5 > 9 > 1 > 4 > 41 > 17 > 16 > 21 > 33 > 6 > 22 > 10 > 45 > 5 > 10 > 25 > 4 > 5 > 16 > 4 > 22 > 9 > 28 > 3 > 11 > 3 > 28 > 23 > 15 > 2 > 12 > 13 > 20 > 16 > 16 > 21 > 2 > 3 > 80 > 5 > 31 > 20 > 4 > 24 > 97 > 1 > 17 > 22
Plinius Minor, Epistulae, 7, Epistula XXI <<< >>> Epistula XXIII
Plinius Minor, Epistulae, 7, Epistula XXII
s. C. Plinius Falconi suo s.
1 Minus miraberis me tam instanter petisse, ut in amicum meum conferres tribunatum, cum scieris quis ille qualisque. Possum autem iam tibi et nomen indicare et describere ipsum, postquam polliceris.2 Est Cornelius Minicianus, ornamentum regionis meae seu dignitate seu moribus. Natus splendide abundat facultatibus, amat studia ut solent pauperes. Idem rectissimus iudex, fortissimus advocatus, amicus fidelissimus.3 Accepisse te beneficium credes, cum propius inspexeris hominem omnibus honoribus, omnibus titulis (nihil volo elatius de modestissimo viro dicere) parem. Vale.
Plinius Minor HOME
bav1561.227 bnf8557.194 med4736.222
© 2006 - 2026 Monumenta Informatik