monumenta.ch > Plinius > 6
Plinius, Naturalis Historia I, p1, 5 <<<     >>> 7

Plinius, Naturalis Historia I, Praefatio, 6

1 Sed haec quis possit intrepidus aestimare subiturus ingenii tui iudicium, praesertim lacessitum?
2 neque enim similis est condicio publicantium et nominatim tibi dicantium.
3 tum possem dicere: 'Quid ista legis, Imperator?
4 humili vulgo scripta sunt, agricolarum, opificum turbae, denique studiorum otiosis.
5 quid te iudicem facis?
6 cum hanc operam condicerem, non eras in hoc albo.
7 maiorem te sciebam, quam ut descensurum huc putarem'.
Plinius HOME