| 1 | SI. Bene ego illum tetigi, bene autem servos inimicum suom. |
| 2 | nunc mihi certum est alio pacto Pseudolo insidias dare, |
| 3 | quam in aliis comoediis fit, ubi cum stimulis aut flagris |
| 4 | insidiantur: at ego iam intus promam viginti minas, |
| 5 | quas promisi si effecisset; obviam ei ultro deferam. |
| 6 | nimis illic mortalis doctus, nimis vorsutus, nimis malus; |
| 7 | superavit dolum Troianum atque Ulixem Pseudolus. |
| 8 | nunc ibo intro, argentum promam, Pseudolo insidias dabo. - |