| 1 | Manu misit emptos suos amores Philolaches |
| 2 | Omnemque absente rem suo absumit patre. |
| 3 | Senem ut revenit ludificatur Tranio: |
| 4 | Terrifica monstra dicit fieri in aedibus |
| 5 | Et inde pridem emigratum. intervenit |
| 6 | Lucripeta faenus faenerator postulans. |
| 7 | Ludosque rursum fit senex; nam mutuom |
| 8 | Acceptum dicit pignus emptis aedibus. |
| 9 | Requirit quae sint: ait vicini proxumi. |
| 10 | Inspectat illas. post se derisum dolet, |
| 11 | Ab sui sodale gnati exoratur tamen. |