Plautus, Miles Gloriosus, 0, II. ARGUMENTUM
| 1 | Meretricem Athenis Ephesum miles avehit. |
| 2 | Id dum ero amanti servos nuntiare volt, |
| 3 | Legato peregre, ipsus captust in mari |
| 4 | Et eidem illi militi dono datust. |
| 5 | Suom arcessit erum Athenis et forat |
| 6 | Geminis communem clam parietem in aedibus, |
| 7 | Licere ut quiret convenire amantibus. |
| 8 | Obhaerentis custos hos videt de tegulis, |
| 9 | Ridiculis autem, quasi sit alia, luditur. |
| 10 | Itemque impellit militem Palaestrio |
| 11 | Omissam faciat concubinam, quando ei |
| 12 | Senis vicini cupiat uxor nubere. |
| 13 | Ultro abear orat, donat multa. ipse in domo |
| 14 | Senis prehensus poenas pro moecho luit. |