Plautus, Mercator, 4, Scaena V. Syra Eutychus
| 1 | SYR. Era quo me misit, ad patrem, non est domi: |
| 2 | rus abiisse aibant. nunc domum renuntio. |
| 3 | EUT. Defessus sum urbem totam pervenarier: |
| 4 | nihil investigo quicquam de illa muliere. |
| 5 | sed mater rure rediit, nam video Syram |
| 6 | astare ante aedis. Syra. SYR. Quis est qui me vocat? |
| 7 | EUT. Erus atque alumnus tuos sum. SYR. Salve, alumne <mi>. |
| 8 | EUT. Iam mater rure rediit? responde mihi. |
| 9 | SYR. Sua quidem salute ac familiai maxuma. |
| 10 | EUT. Quid istuc negotist? SYR. Tuos pater bellissumus |
| 11 | amicam adduxit intro in aedis. EUT. Quo modo? |
| 12 | SYR. Adveniens mater rure eam offendit domi. |
| 13 | EUT. Pol haud censebam istarum esse operarum patrem. |
| 14 | etiam nunc mulier intust? SYR. Etiam. EUT. Sequere me. - |