Plautus, Captivi, 4, Scaena III. Ergasilus
| 1 | ERG. Bene ambula et redambula. |
| 2 | illic hinc abiit, mihi rem summam credidit cibariam. |
| 3 | di immortales, iam ut ego collos praetruncabo tegoribus, |
| 4 | quanta pernis pestis veniet, quanta labes larido, |
| 5 | quanta sumini absumedo, quanta callo calamitas, |
| 6 | quanta laniis lassitudo, quanta porcinariis. |
| 7 | nam si alia memorem, quae ad ventris victum conducunt, morast. |
| 8 | nunc ibo, ut pro praefectura mea ius dicam larido, |
| 9 | et quae pendent indemnatae pernae, eis auxilium ut feram. - |