| 1 | CHRYS. Vos vostrum curate officium, ego efficiam meum. |
| 2 | insanum magnum molior negotium, |
| 3 | metuoque ut hodie possiem emolirier. |
| 4 | sed nunc truculento mi atque saevo usus senest; |
| 5 | nam non conducit huic sycophantiae |
| 6 | senem tranquillum esse ubi me aspexerit. |
| 7 | versabo ego illum hodie, si vivo, probe. |
| 8 | tam frictum ego illum reddam quam frictum est cicer. |
| 9 | adambulabo ad ostium, ut, quando exeat, |
| 10 | extemplo advenienti ei tabellas dem in manum. |