| 1 | Venerabili et dilecto fratri domno R. abbati Moisiacensi, frater P. abbas Cluniacensis salutem et dilectionem. |
| 2 | Praepositus S. Stephani Tolosanae sedis, de fratribus S. Mariae Deauratae querimoniam in concilio fecisset, si non illum compescuissemus, promittentes eidem iustitiam de praedicti loci fratribus. Mandamus itaque vobis, ut fratres ipsos cum canonicis iudicium iustitiae faciatis subire, et quod aequitas iudicii dictaverit, ita teneri ac prosequi, ut non sit unde merito querimoniam debeant facere; sic enim illis promisimus, et sic fieri volumus ac praecipimus. |