Paulus Diaconus, Historiae Langobardorum Continuationes, p3, p125

monumenta.ch > Paulus Diaconus > 2. > 14. > 28. > 46. > 40. > 67. > 30. > 52. > 20. > 29. > 43. > 23. > 61. > 24. > 35. > 19. > 21. > 30. > 37. > 62.
Paulus Diaconus, Historiae Langobardorum Continuationes, CONTINUATIO TERTIA., , 61. <<< >>> 63.

Paulus Diaconus, Historiae Langobardorum Continuationes, CONTINUATIO TERTIA., 62.

1 Post hoc rex Carolus, subiugatis Narbonensibus, in Franciam est reversus.2 Et non post multum tempus ad Capuam Campanie urbem per Italiam perrexit.3 Et inde rediens, Beneventanis bellum indixit.4 Sed dux provincie Aralgisus nomine, regis ferocitatem ferre non prevalens, filios suos Romoaldum et Grimoaldum cum muneribus misit ad eum, postulans, ne infra ducatum Beneventanorum introiret.5 Sed cum esset iste Aralgisus suspecte fidei, gloriosus rex Beneventum proficiscitur.6 Ad cuius adventum idem dux Aralgisus, relicto Benevento, Salerno se reclusit.7 Metuensque videre faciem regis, duos filios suos prenominatos obsides dedit, quos adhuc secum retinebat, cum maximis muneribus.8 Sed obsidibus receptis, pius rex Karolus ad Gallias revertitur.