monumenta.ch > Paulus Diaconus > 2. > 14. > 28. > 46. > 40. > 67. > 30. > 52. > 20. > 29. > 43. > 23. > 61. > 24. > 35. > 19. > 21. > 30. > 37. > 62. > 12. > 51. > 60. > 27. > 70. > 36. > 3. > 55. > 64. > 7. > 45. > 71. > 34. > 8. > 33. > 68. > 41. > 65. > 48. > 44. > 15. > 39. > 1. > 63. > 33. > 32. > 18. > 64. > 54. > 67. > 14. > 5. > 2. > 72. > 38. > 52. > 57. > 53.
Paulus Diaconus, Historiae Langobardorum Continuationes, CONTINUATIO TERTIA., , 52. <<<     >>> 54.

Paulus Diaconus, Historiae Langobardorum Continuationes, CONTINUATIO TERTIA., 53.

1 Karolus autem, mane facto, cum vidisset munitiones desertas a Langobardis, collecto exercitu, ad plana descendit Ytalie sine ulla contradictione.2 Cui Desiderius rex cum suis Langobardis non formidavit occurrere, sed, volente Deo, commisso prelio vincuntur Langobardi, adversarii ecclesie, vincentibus Francis.3 Desiderius rex fugam petiit.4 Karolus Magnus victoria potitus ipsumque Desiderium insequtus, Papie civitatem, quam Desiderius fuerat ingressus fugiens, undique obsidione vallavit.5 Sed audiens, quod regis Desiderii filius Adalgisus se cum uxore Carlomanni et filiis Veronam recepisset, ipse cum sui exercitus robore illuc statim properavit.6 Qui cum venisset ad locum, dicta mulier, olim scilicet uxor Karlomanni, cum filiis suis propria voluntate illico ad regem venit, simul et Autharius Francus ibidem latens se cum eis regi dedit.7 Quos benigne suscipiens, Papiam ad obsidionem reversus est.8 Quibus diebus omnes civitates que ultra Padum erant in suam redegit potestatem.Paulus Diaconus HOME