Paulus Diaconus, Historiae Langobardorum Continuationes, p3, p114

monumenta.ch > Paulus Diaconus > 2. > 14. > 28. > 46. > 40. > 67. > 30. > 52. > 20. > 29. > 43. > 23. > 61. > 24. > 35. > 19. > 21. > 30. > 37. > 62. > 12. > 51.
Paulus Diaconus, Historiae Langobardorum Continuationes, CONTINUATIO TERTIA., , 50. <<< >>> 52.

Paulus Diaconus, Historiae Langobardorum Continuationes, CONTINUATIO TERTIA., 51.

1 Post hoc illustrissimi regis Francorum Karoli legati Romam ad papam venerunt, inquirentes, si Desiderius rex Langobardorum civitates Romane ecclesie ablatas restituisset.2 Nam falso in Francia litteras spargi fecerat asserentes, omnes civitates Romane ecclesie reddidisse summo pontifici Adriano.3 Sed rex Karolus, veritate comperta, quod non restituisset dictas civitates, mox Desiderio regi ipse nuncios suos misit, per quo? deprecatus est Desiderium, ut civitates ipsas ablatas redderet beato Petro et Adriano pontifici, pacifice promittens illi dari quatuordecim milia solidorum.4 Sed cum nec precibus nec muneribus eius ferocitatem valeret flectere, congregata sui regni multitudine pugnatorum, contra Desiderium regem movit exercitum.