monumenta.ch > Paulus Diaconus > 2. > 14. > 28. > 46. > 40. > 67. > 30. > 52. > 20. > 29. > 43. > 23. > 61. > 24. > 35. > 19. > 21. > 30. > 37. > 62. > 12. > 51. > 60. > 27. > 70. > 36. > 3. > 55. > 64. > 7. > 45. > 71. > 34. > 8. > 33. > 68. > 41. > 65. > 48. > 44. > 15. > 39. > 1. > 63. > 33. > 32. > 18. > 64. > 54. > 67. > 14. > 5. > 2. > 72. > 38. > 52. > 57. > 53. > 4. > 60. > 41. > 71. > 61. > 66. > 47. > 45. > 69. > 50. > 46. > 59. > 68. > 43. > 58. > 65. > 42. > 49. > 48.
Paulus Diaconus, Historiae Langobardorum Continuationes, CONTINUATIO TERTIA., , 47. <<< >>> 49.
Paulus Diaconus, Historiae Langobardorum Continuationes, CONTINUATIO TERTIA., 48.
1 Brevi tempore post hec evoluto, Desiderius rex Langobardorum fidefragus Faventiam urbem, que ad ius ecclesie Romane pertinebat, abstulit, dehinc Comatium cum toto exarchatu Ravenne in suam transtulit potestatem.2 Postmodum civitatem ipsam Ravennam undique infestans, predia ac casalia auferens, nichi), unde in dicta civitate homines vivere ac sustentari possent, dimisit.3 Unde coactus archiepiscopus civitatis Leo nomine super his malis nuntios Romam ad Adrianum papam, Stephani successorem, direxit.4 Quo audito, sicut verus ovium Christi pastor, ex corde compatiens, statim suos ad eundem regem Desiderium mittit, rogans et humiliter obsecrans, ut civitates et castra, quas ipse a iure beati Petri abstulerat, redderet.5 Ad quem rex ille protervus rescripsit, quod, nisi prius ipse summus pontifex ad ipsum personaliter accederet et secum super hiis colloquium haberet, nullatenus easdem redderet civitates.6 Affectabat enim dolosus rex pontificis adventum, videlicet ut Karlomanni filios, qui una cum matre Bertrada post patris Pippini decessum, relicta Gallia, ad se venerant, in reges inungeret, cupiens in regno Francorum disseminare discordias et ipsum sanctum pontificem a dilectione Karoli Magni regis Francorum separare, ut hoc facto facilius ipsam Romanam civitatem cum tota Ytalia suo dominio subiugaret.7 Sed nulla arte ad hoc sapientissimum pontificem adducere potuit.
Paulus Diaconus HOME