monumenta.ch > Paulus Diaconus > 2. > 14. > 28. > 46. > 40. > 67. > 30. > 52. > 20.
Paulus Diaconus, Historiae Langobardorum Continuationes, CONTINUATIO TERTIA., , 19. <<< >>> 21.
Paulus Diaconus, Historiae Langobardorum Continuationes, CONTINUATIO TERTIA., 20.
1 Ab hac luce subtracto Romano pontifice tercio Gregorio, Zacbarias Grecus genere papa Urbis efficitur.2 Qui in principio sui pontificatus Italic regionem invenit valde turbatam et presertim civitatem Romanam, agentibus persecutionibus, quas Langobardorum gens Romanis inferebat, quia duci Spoletanorum Trasemundo favebant ipsumque intra Urbisclaustra tuebantur.3 Quam ob rem Langobardus rex cum gente sua Romam obsedit multasque urbes, que temporibus istis dominio Urbis subiecte erant, obsessas cepit, captasque a Romano dominio abstulit.4 Sed non post multum temporis ad requestam et admonitionem huius almi pontificis, qui ad illum super hoc facto, ut scilicet civitates illas iuri Romanorum restitueret, nuncios suos miserat, ipsas civitates restituere promisit.5 Sed cum iuxta promissionem restituere differret, Zacharias memorabilis papa non erubuit personaliter ad dictum regem Langobardorum accedere.6 Veniens itaque ad civitatem Interamnis, ubi tunc dictus rex cum suis exercitibus erat, cum rex audiret eius adventum, omnes duces exercituum suorum maiores usque ad octo miliaria misit obviam illi.7 Sed et ipse rex usque ad medium miliare processit obviam Zacharie summo pontifice, illumque cum gaudio magno et summa reverentia intra civitatem suscepit.8 Cumque in ecclesia beati Valentini ambo consedissent, divina perfusus gratia papa adeo regem dulcibus verbis emollivit et sermonibus placidis, ut omnia quecumque ab eo peteret statim impetraret.9 Suasit enim regi, ab hostili commotione primum quiescere, ab effusione humani sanguinis abstinere et ea que ad pacem spectant semper sectari.10 Huius autem sanctis persuasionibus compunctus rex Langobardus, ad mandatum pontificis civitates, quas Romanis abstulerat, restituit.11 Silicet et Sabinense patrimonium, quod a iure Romane ecclesie Langobardorum reges abstulerant atque per annos iam triginta possederant; insuper Narniam, Assisium, Anchonam et Cumanam beato pontifici restituit atque pacem cum Romanis in triginta annos pepigit.12 Omnesque captivos ex diversis provinciis Romanorum, quos ipse et sui predecessores in diversis locis ceperant per totam Italiam, pape donavit.13 Itaque pastor sollicitus, cum omnia que voluit obtinuisset, Romam revertitur.
Paulus Diaconus HOME