monumenta.ch > Paulus Diaconus > [5]
Paulus Diaconus, Excerpta ex libris Pompei Festi de verborum significatu, EXCERPTA EX LIBRIS POMPEI FESTI DE SIGNIFICATIONE VERBORUM., , [4] <<< >>> [6]
Paulus Diaconus, Excerpta ex libris Pompei Festi de verborum significatu, EXCERPTA EX LIBRIS POMPEI FESTI..., [5]
1 Elucum signilicat languidum ac semisomnum, vel, ut alii
volunt, alucinatorem et nugarum amatorem, sive +halonem+,
id est hesterno vino languentem, quod eolon vocitant Graeci.2 Emere, quod nunc est mercari, antiqui accipiebant pro sumere.3 Elices sulci aquarii, per quos aqua collecta educitur e liris.4 Ennam etiamne.5 Elaudare plus quam nominare.6 Elecebrae argentariae meretrices ab eliciendo argento dictae.7 Electabo eliciam.8 Enumquam ecquando.9
Emussitata ad amussim facta.10 Endoitium initium.11 Em tum.12 Empanda paganorum dea.13 Emem eundem.14 Elumbum evulso lumbo.15 Elinguem sine lingua.16 Elacatena genus salsamenti, quod appellatur vulgo melandrea.17 Enubro inhibenti.18 Elixa a liquore dicta.19 Endoplorato inplorato, quod est cum questione inclamare.20 Inplorare namque est cum fietu rogare, quod est proprie
vapulantis.21 Endo procinctu in procinctu: significat autem, cum es castris
in proelium exitum est, procinctos, quasi praecinctos atque
expeditos.22 Nam apud antiquos togis incincti pugnitasse dicuntum.23 Emptivum militem mercennarium.24 Emancipati duobus modis intelleguntur, aut hi, qui ex patris
iure exierunt, aut hi, qui aliorum fiunt dominii; quorum
utrumque fit mancipatione.25 Eum antiqui dicebant pro eorum.26 Em pro eum, ab eo, quod
est is.27 Egeriae nymphae sacrificabant praegnantes, quod eam putabant
facile conceptum alvo egerere.28 Escariae mensae quadratae vocantur, in quibus homines
epulantur.29 Anclabris ex qua in sacrificando dis anclatur,
quod est hauritur ministraturque.30
Escit erit.31 Eapse ea ipsa.32 Evelatum eventilatum, unde velahra, quibus frumenta ventilantur.33 Egens velut exgens, cui ne gens quidem sit reliqua.34 Eiuratio significat, id, quod desideretur, non posse praestari.35 Plautus (ing. frg. 25): “Eiuravit militiam”.36 Everriator vocatur, qui iure accepta hereditate iusta facere
defuncto debet; qui si non fecerit, seu quid in ea re turbaverit,
suo capite luat.37 Id nomen ductum a verrendo.38 Nam
exverriae sunt purgatio quaedam domus, ex qua mortuus ad
sepulturam ferendas est, quae fit per everriatorem certo
genere scoparum adhibito, ab extra verrendo dictarum.39 Egretus et adgretus ex Graeco sunt ducta a surgendo et
proficiscendo.40 Unde et Nyctegresia quasi noctisurgium.41 Eccere iurisiurandi est, ac si dicaturper Cererem, ut ecastor,
edepol.42 Alii eccere pro ecce positum accipiunt.43 Eamus ex Graeco iomen.44 Europam tertiam orbis partem ab Europa, Agenoris filia,
certum est appellari.45 Sed alii de amore Iovis in taurum
versi narrant: alii eam a praedonibus raptam, et navem,
quae Iovi tutelam, effigiem tauri, habuerit, in eam regionem
esse delatam.46 Quidam ob pulchritudinem regionis per
simulationem raptae filiae occupatam eam terram ab Agenore
et Phoenicibus ferunt.47 Epolonos dicebant antiqui, quos nunc epulones dicimus.48 Datum est autem his nomen, quod epulas indicendi lovi
ceterisque dis potestatem haberent.49
Eudioeon lineum filum, quod medici extremo iu clysterio
relinquunt, per quod klusmos emittitur.50 Euboicum talentum nummo Graeco septem milium et quingentorum
cistophorum est, nostro quattuor milium denariorum.51 Extrarium ab extraneo sic distinguitur: extrarius est, qui
extra focum sacramentum iusque sit; extraneus ex altera
terra, quasi exterraneus.52 Exta dicta, quod ea dis prosecentur, quae maxime extant
eminentque.53 Extimum extremum ita significat, ut intimo sit contrarium.54 Exterraneus ex alia terra.55 Exterraneus quoque dicitur et, qui ante tempus natus vel
potius eiectus est.56 Dictus autem exterraneus, quod eum mater
exterrita alvo eiecit.57 Externus est alienus terrae.58 Experrectus a porrigendo se vocatus, quod fere facimus
recentes a somno.59 Expreta antiqui dicebant, quasi expertia habita.60 Excudere, procudere et incudis ipsa a caedendo dicta sunt.61 Explorare antiquos pro exclamare usos, sed postea prospicere
et certum cognoscere coepit significare.62 Itaque speculator
ab exploratore hoc distat, quod speculator hostilia silentio
perspicit, explorator pacata clamore cognoscit.63 Expapillato brachio, exerto; quod cum fit, papilla nudatur.64 Exbures exinteratas, sive exburae, quae exbiberunt, quasi
epotae.65 Exdorsua dorsum confringe; alii, exime.66 Exfir purgamentum, unde adhuc manet suffitio.67
Escendere egredi.68 Experitos imperitos.69 Explenunt explent.70 Exdutae exuviae.71 Excipuum, quod excipiatur, ut praecipuum, quod ante
capitur.72 Exciet excutiet.73 Expat<i>are in locum patentem se dare, sive in spatium
se conferre.74 Edecimata electa.75 Expectorat, ex pectore eicit.76 Experrectus est, qui per se vigilare coepit: expergitus ab
alio excitatus, quem solemus dicere expergefactum.77 Excidionem urbis a caedendo dictam manifestum est.78 Effata elocuta.79 Exporgere porro agere, exporrigere.80 Exoletus, qui adolescere, id est crescere desiit.81 Exanclare exhaurire.82 Examen est et aequamentum et iudicii investigatio et apium
congregatio vel locustarum.83 Examussim regulariter: amussis enim regula fabrorum est:
vel, ut alii volunt, ferramentum, quo in poliendo utuntur.84 Exagogen evectionem.85 Exurguentes exprimentes.86 Exgregiae, egregiae, id est e grege lectae.87 Exodium exitum.88 Exoriri surgere.89 Exuviae ab exuendo dictae.90
Exercitus et militum copia dicitur, et homo multis negotiis
exercitus; sed superius quarti ordinis, hoc secundi est.91 Exomides sunt comici vestitus exertis humeris.92 Exiles et ilia a tenuitate inarum, quas Graeci in chartis
ita appellant, videntur esse dicta.93 Exilica causa, quae adversus exulem agitur.94 Exitium antiqui ponebant pro exitu; nunc exitium pessimum
exitum dicimus.95 Exercirent, sarcirent.96 Exercitionem exerciti dicebant antiqui exercitationem exercitati.97 Item exercitiorem, exercitissinmum, sicut ab exercitato
exercitatiorem, exercitatissimum.98 Exfusi effusi, ut mersat pro mersat.99 Effari et effata a fando, quod ipsum ex Graeco os phato.100 Equirria ludi, quos Romulus Marti instituit per equorum
cursum, qui in campo Martio exercebantur.101 Equirria iusiurandum per Quirinum.102 Equestre aes, quod equiti dabatur.103 Equitare antiqui dicebant equum publicum merere.104 Equus Marti immolabatur, quod per eius effigiem Troiani
capti sunt, vel quod eo genere animalis Mars delectari putaretur.105 Equo vehi flamini Diali non licebat, ne, si longius digrederetur,
sacra neglegerentur.106 Exinfulabat exer[c]ebat: infulas enim sacerdotum filamenta
vocabant.107
Existimare dictum ab aestimatione.108 Exrogare est ex lege vetere aliquid eximere per no vam legem.109 Eximium inde dici coeptum, quod in sacrificiis optimum
pecus e grege eximebatur, vel, quod primum erat natum.110 Exemplum est, quod sequamur, aut vitemus.111 Exemplar, ex
quo simile faciamus.112 Illud animo aestimatur, istud oculus
conspicitur.113 Exliaustant, eiferunt.114 Exim metri causa dicitur pro exinde.115 Exesto, extra esto.116 Sic euim lictorin quibusdam sacris clamitabat:
hostis, vinctus, mulier, virgo exesto; scilicet interesse
prohibebatur.117 Epulares appellabantur, qui in quibusdam ludis nocte epulabantur.118 Epistylium trabs, quae super columnas ponitur.119 Epeus nomen cuiusdam fabri, qui equum dureum fecit.120 Epicrocum genus amiculi croco tinctum, tenue et perlucidum.121 Epulam antiqui etiam singulariter posuere.122 Epilimma genus vilissimi unguenti.123 Erctum citumque fit inter consortes, ut in libris legum Romanorum
legitur.124 Erctum a coercendo dictum.125 Unde et erciscendae
et ercisci.126 Citum autem est vocatum a ciendo.127 Ederam flamini Diali neque tangere, neque nominare fas
erat, pro eo, quod edera vincit, ad quodcumque se applicat.128 Sed ne anulum quidem gerere ei licebat solidum, aut aliquem
in se habere nodum.129 Edeatroe, qui praesunt regiis epulis, dicti apo ton edesmaton.130 Ervum et ervilia a Graeco sunt dicta, quia illi ervum orobos,
erviliam erebinthos appellant.131
Ergo correptum significat idem, quod apud Graecos oukoun;
producte idem, quod charin, hoc est gratia, cum scilicet gratia
intellegitur pro causa.132 Sed illud superius etiam sine
exemplis notum est; hoc inferius sic formatur, cum dicimus
de aliquo: statua donatus est honoris virtutisque ergo, id
est honoris virtutisque causa.133 Eritudo servitudo.134 Erugere semel factum significat, quod eructare saepius.135 Illud enim perfectae formae est, hoc frequentativae.136 Erebum Virgilius interdum obscuritatem quandam esse describit
apud inferos, cum ait (Aen 6,404): “Imas Erebi
descendit ad umbras.137 ” Interdum flumen eiusdem loci, dicens
(Aen. 6,671): “Et magnos Erebi transnavimus amnes.138 ”
Varro vero Erebo natam noctem ait.139 Unde est et illud
(trag. inc. 132): “Erebo creata fuscis crinibus nox, te invoco.140 ”
Effafilatum, exertum, quod scilicet omnes exerto brachio
sint exfilati, id est extra vestimentum filo contextum.
Paulus Diaconus HOME
hab1034.66
Paulus Diaconus, Excerpta ex libris Pompei Festi de verborum significatu, EXCERPTA EX LIBRIS POMPEI FESTI DE SIGNIFICATIONE VERBORUM., , [4] <<< >>> [6]
monumenta.ch > Paulus Diaconus > [5]
© 2006 - 2026 Monumenta Informatik