monumenta.ch > Orosius > Caput 11
Orosius, Historiae, Liber 3, 10 <<<     >>> 12

Orosius, Historiae, 3, Caput 11

1 Anno ab urbe condita CCCCXXII Alexander rex Epirotarum, Alexandri illius Magni avunculus, traiectis in Italiam copiis cum bellum adversus Romanos pararet et circa finitimas Romae urbes firmare vires exercitus sui auxiliaque vel sibi adquirere vel hostibus subtrahere studens bellis exerceretur, a Samnitibus, qui Lucanae genti suffragabantur, maximo bello in Lucania victus atque occisus est. 2 Sed, quoniam aliquantum Romanas clades recensendo progressus sum, vel Alexandri istius mentione commonitus, de Philippo Macedonum rege, qui Olympiadem huius Alexandri Epirotae sororem uxorem habuit, ex qua Alexandrum Magnum genuit, paucissimis annis retro repetitis magna parvis in quantum potero colligam.Orosius HOME
bav829.76 bke1009.47v bmv545.62 bnf4871.54 bnf4872.50 bnf4874.37 bnf9665.52 bsb65382.162 csg547.28 csg621.108 med6535.116