Notkerus Balbulus, Sequentiae, CAP XXXV. De virginibus.
| 1 | Virginis venerandae |
| 2 | De numero sapientum |
| 3 | Festa celebremus socii. |
| 4 | Filiae Matris summi Regis |
| 5 | Sacrosanctae Mariae, |
| 6 | Quam sibi in sororem Dei |
| 7 | Adoptavit Filius. |
| 8 | Haec corpus suum domuit |
| 9 | Freno ieiunii, |
| 10 | Et luxuriam secuit |
| 11 | Ense agoniae. |
| 12 | Isthaec contra cunctos mortis |
| 13 | Dimicavit impetus, |
| 14 | Et hostem cruentum freta Christi |
| 15 | Dextra straverat |
| 16 | Haec Sponsum ab aula coeli |
| 17 | Sese invisentem alacris |
| 18 | Corde iocundo secuta, eius |
| 19 | Est ingressa thalamum. |
| 20 | Tute iam dulcibus plena deliciis |
| 21 | Christo miseras nostras suggerito, |
| 22 | Nobis consolationem precando. |