Notkerus Balbulus, Sequentiae, CAP XXXIII. De uno martyre.
| 1 | Quid tu, virgo mater, |
| 2 | Ploras, Rachel formosa, |
| 3 | Cuius vultus Iacob delectat? |
| 4 | Ceu sororis annicula |
| 5 | Lippitudo eum iuvat. |
| 6 | Terge, mater, fluentes oculos. |
| 7 | Quam te decent genarum rimulae! |
| 8 | Heu, heu, heu! quid me incusatis |
| 9 | Fletus incassum fudisse, |
| 10 | Cum sim orbata nato, paupertatem |
| 11 | Meam qui solus curaret? |
| 12 | Qui non hostibus cederet angustos |
| 13 | Terminos quos mihi Iacob acquisivit, |
| 14 | Quique stolidis fratribus, quos multum |
| 15 | Proh dolor! extuli, esset profuturus. |
| 16 | Nunquid flendus est iste, |
| 17 | Qui regnum possedit coeleste, |
| 18 | Quique prece frequenti miseris |
| 19 | Fratribus apud Deum auxilietur? |