Notkerus Balbulus, Sequentiae, CAP XXVIII. In Natale sancti Otmari abbatis.
| 1 | Laude dignum sanctum canat |
| 2 | Otmarum Suevia mater |
| 3 | Tales nati profectu gratulans semper. |
| 4 | Hic velut sidus eximium |
| 5 | Placitus Deo |
| 6 | Inter fraternas caligines |
| 7 | Rutilans micat. |
| 8 | Hic Iesu Christi praeceptis paruit promptus. |
| 9 | Hic eius membris subvenit |
| 10 | Minimis largus. |
| 11 | Nunc suae perfectae vitae se |
| 12 | Testem exhibet, |
| 13 | Debiles curando atque |
| 14 | Fovendo supplices. |
| 15 | Hunc iam coetibus coniunctum |
| 16 | Sanctorum cuncti precemur, |
| 17 | Ut nos fragiles semper conciliet Domino Deo, |
| 18 | Qui regnat Trinitas sancta. |