Notkerus Balbulus, Sequentiae, CAP XVI. In Natalitiis apostolorum Petri et Pauli.
| 1 | Petre, summe Christi pastor, |
| 2 | Et Paule, gentium doctor, |
| 3 | Ecclesiam vestris doctrinis illuminatam |
| 4 | Per circulum terrae precatus adiuvet vester. |
| 5 | Nam Dominus, Petre, coelorum |
| 6 | Tibi claves dono dedit. |
| 7 | Armigerum, Beniamin, Christus |
| 8 | Te scit suum, vasque electum. |
| 9 | Mare planta te, Petre, Christus |
| 10 | Conculcare tuae dedit charitati; |
| 11 | Umbram tui corporis infirmis, |
| 12 | Debilibusque fecit medicinam. |
| 13 | Spermologon philosophos te, |
| 14 | Paule, Christus dat vincere sua voce. |
| 15 | Multiplices victorias tu, Paule, |
| 16 | Christo per populos acquisisti. |
| 17 | Postremo victis omnibus barbaris |
| 18 | Ad arcem summi pergitis culminis, |
| 19 | Germanos discordes sub iugum |
| 20 | Christi pacatos iam coacturi. |
| 21 | Ibi Neronis feritas principes |
| 22 | Apostolorum, praeliis plurimis victores, |
| 23 | Diversae te, Petre et Paule, |
| 24 | Addixerat poenae mortis: |
| 25 | Te crux associat, te vero gladius |
| 26 | Cruentus mittit Christo. |