Notkerus Balbulus, Sequentiae, CAP XII. Feria IV.
| 1 | Grates Salvatori ac |
| 2 | Regi Christo Deo solvan |
| 3 | Omnes incolarum incolae |
| 4 | Quem spectatum diu iam tenent, |
| 5 | Et leges eius mentibus |
| 6 | Captent promptulis |
| 7 | Quos derelicto populo delegit |
| 8 | Iudaeo de Abrahae carne genito, |
| 9 | Et per fidem quos Abrahae |
| 10 | Natos fecit et cognatos suum |
| 11 | Sanctum per sanguinem. |
| 12 | O Christe, consanguinee naturae |
| 13 | Nostrae, nos fove |
| 14 | Atque, per divinam potentiam, |
| 15 | Tuere ab omni insursu |
| 16 | Inimici et insidiis |
| 17 | Quem per carnis edulium |
| 18 | Delusisti hamo tuae maiestatis, Fili Dei, |
| 19 | Tu resurgens imperitas, |
| 20 | Non moriturus amplius; |
| 21 | Tu mortalem nostram et terream |
| 22 | Naturam resurgens incorruptivam |
| 23 | Fecisti, atque coelis invexisti. |