Notkerus Balbulus, Martyrologium, 10, XIII KAL. NOVEMB.
| 1 | Apud Nicomediam sanctorum martyrum Dasii, Zotici, Gagii [Caii] cum aliis duodecim millibus. |
| 2 | Item Simplicii cuius vita probabilis fuit multis causa salutis, ita ut tria millia hominum baptizatorum gremio matris Ecclesiae susciperentur. |
| 3 | Eodem die Patris nostri Hilarionis cuius vitam virtutibus plenam scripsit Hieronymus. Qui vitam in omni ducens labore, cum sibi finem appropinquare agnovisset, nec iam praeter sensum quidquam in se vivi hominis remaneret, aperus oculis dixit: 'Egredere, egredere, anima, quid times? quid dubitas? septuaginta prope annis servisti Christo, et mortem formidas?' In haec verba exhalavit spiritum. |
| 4 | Ipsa die sancti Asterii presbyteri, sancti Callixti, qui cum corpus patris elevatum de puteo sepelivisset, praecepit eum Alexander per pontem praecipitari. |
| 5 | Item translatio beati Viatoris in eremo, comitis sancti Iusti. |