| 1 | In Britanniis Socratis et Stephani. Novioduno, Valeriani, Macrini et Gordiani. |
| 2 | Romae nativitas sancti Iustini presbyteri, qui a beato Sixto ordinatus est, eique beatus Laurentius pedes lavans, suis se orationibus commendavit. Idem Iustinus corpora sanctorum Hippolyti, Concordiae, Irenaei, Abundii et Cyrillae filiae Decii imperatoris, sepulturae tradidit, et in persecutione Decii, Galli et Volusiani, confessionis gloria insignissimus fuit. |
| 3 | Item Romae Narcissi et Crescentionis martyrum. |
| 4 | Tungrensi dioecesi natalis sancti Landeberti [Lamberti] episcopi. Qui dum regiam domum zelo religionis accensus, increpasset, intra domum ecclesiae occiditur: cuius sepulcrum crebris miraculorum ostensionibus illustratur. |