Notkerus Balbulus, Martyrologium, 7, XI KAL. AUG.
| 1 | Nativitas sanctae Mariae Magdalenae, de qua, ut evangelistae referunt [Marc. XVI, Luc. XVIII], daemonia septem Dominus eiecit. Quae etiam, inter alia dona insignia, Christum a mortuis resurgentem prima videre et apostolis praedicare promeruit. |
| 2 | Depositio sanctae Syntyches, quae Philippis sepulta quiescit. De qua beatus Apostolus Philippensibus scribit: Evodiam rogo, et Syntychen deprecor, idipsum sapere in Domino [Philip. IV]. |
| 3 | In Antiochia Cyrilli episcopi, Andreae et Actebelli. |
| 4 | In Ancyra Galatiae sancti Platonis. |