| 1 | In Alexandria nativitas SS. martyrum Mammarii, Petri et aliorum. |
| 2 | In Africa Donatae. |
| 3 | In Ponto S. Phocae sive Phocatis episcopi civitatis Sinopis. Qui sub Traiano imperatore, praefecto Africano, carcerem, vincula, ferrum, ignem etiam pro Christo superavit; cuius reliquiae in basilica Apostolorum in Gallia, civitate Vienna, habentur. |
| 4 | Lugduno Galliae sancti Iusti episcopi et confessoris, qui fervore divinae contemplationis in anachoretica conversatione defunctus, et ad civitatem suam gloriose translatus, ingenii sui monumenta in Cantico canticorum reliquit insignia. |
| 5 | Item sancti Amici episcopi. |