| 1 | In Nicomedia passio sanctarum virginum, Pistis, Elpis, Agapis, quae Latine Fides, Spes, Charitas, dicuntur, et matris earum Sophiae, quae Sapientia interpretatur, et aliarum multarum. |
| 2 | Romae sancti Ioannis presbyteri, quem impius Iulianus inauditum via Salaria veteri, ante simulacrum Solis decollari praecepit. Eius corpus a beato Concordio presbytero collectum et sepultum est iuxta concilia martyrum. |
| 3 | In Britannia depositio sanctae Edeldrudae virginis et reginae. Cuius corpus, cum decem annis esset sepultum, incorruptum inventum est. |
| 4 | Item vigilia sancti Ioannis Baptistae. |