| 1 | Romae, via Salaria, nativitas sanctae Basiliae virginis et martyris Christi. Quae cum esset ex regio genere, et haberet sponsum illustrissimum, nomine Pompeium, per beatam Eugeniam et sanctos Dei viros Protum et Iacinthum ad fidem Christi conversa, accusata est a praefato sponso suo apud Gallienum Augustum, quod esset Christiana. Qui eodem tempore immanissimus Ecclesiae persecutor, decrevit ut aut sponsum Basilla repeteret, aut gladio interiret. Quae conventa super hoc, respondit se Regem regum habere sponsum, Christum videlicet veri Dei Filium. Et cum haec dixisset, gladio transverberata est. |