Notkerus Balbulus, Martyrologium, 4, VI ID. APRIL.
| 1 | Romae depositio Coelestini papae, qui rexit Ecclesiam per annos octo. Hic constituit ut psalmi David centum quinquaginta antiphonatim canerentur ante sacrificium. Nam antea tantum Epistolae recitabantur apostolicae, et S. Evangelium. |
| 2 | Turonis sancti Perpetui episcopi, admirandae sanctitatis viri. Cuius opera templum super reverenda ossa B. Martini episcopi perfectum est, eiusque sacrum corpus de loco ubi primum fuerat tumulatum ad locum ubi nunc condigne veneratur angelica demonstratione delatum. |
| 3 | In Africa, sanctorum Ianuarii, Macharii, Maximae et Concessae, et aliorum multorum. |