Notkerus Balbulus, Martyrologium, 4, VIII ID. APRIL.
| 1 | Romae Sixti papae et martyris, qui rexit Ecclesiam annos decem, menses duos, diem unum, passus est temporibus Adriani imperatoris. Hic constituit ut sacra mysteria non tractarentur nisi a sacris ministris, et quicunque episcopus evocatus ad sedem apostolicam rediens ad parochiam, non susciperetur nisi salutationis litteras, hoc est formatas, a sede apostolica plebi detulisset. Et hic instituit ut intra actionem missarum Sanctus, sanctus, sanctus, decantaretur. |
| 2 | In Syrmio, S. Irenaei episcopi eiusdem loci. |
| 3 | In Africa, sanctorum Epiphanii episcopi, Donatis, Sixti, Rufini, Modesti, et aliorum undecim. |
| 4 | In Nicomedia, Timothei et Theogenis. |
| 5 | Pentapoli Libyae superioris passio S. Theodori episcopi et multorum martyrum. |