| 3 | Mediolani depositio B. Ambrosii episcopi et confessoris. Cuius studio, inter caetera doctrinae et miraculorum insignia, tempore Arianae perfidiae, tota Italia ad fidem catholicam conversa est. Qui praefecturae gratia ad eumdem locum destinatus est, cum adhuc esset catechumenus, in depositione albarum a lactante puero designatus est episcopus, et suggestione angelica auditores tuos allocutus, expulsione daemonum, et exhibitione sanitatum, atque resuscitatione mortuorum, nec non et tolerantia omnimodarum iniuriarum, vere comprobari et nuncupari meruit imitator antiquorum martyrum et apostolorum. |