Notkerus Balbulus, Martyrologium, 3, IV KAL. APRIL.
| 1 | In Nicomedia, Pastoris, Victorini, Saturnini, Iuliani. |
| 2 | In Africa, sanctorum confessorum Armogastis, Archimimi et Satyri. Qui tempore Wandalicae persecutionis sub Geiserico rege Ariano, cum essent lucidissima membra Ecclesiae Christi, et pravitatem Arianorum libertate catholica frequenter arguerent, pro confessione veritatis multa et gravia perpessi supplicia atque opprobria, cursum gloriosi certaminis impleverunt. |
| 3 | In Burgundia depositio beati Eustasii abbatis discipuli S. Columbani. Qui Pater ferme sexcentorum exstitit monachorum, et vitae sanctitate conspicuus, etiam miraculis clarus effulsit. |
| 4 | In civitate Pisana, sancti Torpetis martyris. |