Notkerus Balbulus, Martyrologium, 3, XIII KAL. APRIL.
| 1 | Apud Colossos, Archippi episcopi, commilitonis beati apostoli Pauli. |
| 2 | In Antiochia, sancti Ioseph. |
| 3 | In Syria, Pauli, Cyrilli, Engenii, Serapionis, Victorici et aliorum. |
| 4 | In Britannia, sancti Cudberti, qui ex anachoreta Ecclesiae Lindisfernensis antistes, totam ab infantia usque ad senium vitam miraculorum signis inclytam duxit. Cuius dum undecim annos maneret corpus humatum, incorruptum post haec, quasi eadem hora defunctum, simul cum veste qua tegebatur inventum est. Scribit S. Beda presbyter in libello de Vita ipsius. |