Notkerus Balbulus, Martyrologium, 2, XII KAL. Mart.
| 1 | Hierosolymis, B. Simeonis episcopi et martyris, qui traditur propinquus Salvatoris fuisse secundum carnem. Constat tamen quia de Cleopha cuius filius fuit, frater erat Ioseph. |
| 2 | Eodem die nativitas sanctorum martyrum Claudii et uxoris eius Praepedignae, et filiorum Alexandri et Curiae, et fratris Claudii B. Maximi: qui cum essent praeclarissimi generis, agente fratre eorum Gabinio presbytero, baptizati sunt a B. Gaio pontifice Romano. Et postmodum tenti, iubente Diocletiano, a iudice Iulio. Et Claudius quidem cum uxore sua et filiis deportatus in exsilium; deinde incendio concremati, odoriferum sacrificium martyrii Deo reddiderunt. Ac sic postmodum apud Ostiam in reuma iactati sunt: quorum reliquias Christiani perquisitas, iuxta civitatem sepelierunt. |
| 3 | In Africa, Rutuli, Sylvani, Classici, Secundini, Fluctuli [Fructuli], Damasi. |
| 4 | Interamnis Pauli et aliorum multorum. |