Notkerus Balbulus, Martyrologium, 2, IV ID. FEBR.
| 1 | Romae nativitas sanctorum martyrum Zotici, Hireni, Iacinthi et Amantii. |
| 2 | Item Romae, via Lavicana, militum decem. |
| 3 | Eodem die in Oriente sanctae Sotheris virginis, quae graviter et diutissime alapis caesa, cum caetera quoque poenarum genera vicisset, gladio martyrium consummavit. |
| 4 | In Campania sancti Sylvani episcopi et confessoris. |
| 5 | In Bethlehem civitate Iudae, sub Herode rege, passio sanctorum Andreae et Aporii. |
| 6 | Sanctonis civitate depositio sancti Troiani episcopi et confessoris, et Baldegundis abbatissae. |
| 7 | Eodem die depositio sanctae Scholasticae virginis, cuius animam frater eius, sanctus Benedictus abbas, vidit in columbae specie coelos petere. Quod fratribus, matutinorum hymnis expletis, intimavit et Deo gratias inde retulit. |