| 1 | Nativitas B. Nicanoris, unius de primis septem diaconis, apud Cyprum gloriose coronati ibique venerabiliter sepulti. |
| 2 | Apud Thebaidem nativitas sancti Pauli primi eremitae, qui a sexto decimo aetatis suae anno usque ad nonagesimum tertium solus in eremo permansit. Cuius animam inter apostolorum et prophetarum choros ad coelum ferri ab angelis Antonius vidit. Romae Melchiadis episcopi: qui constituit in Ecclesia a fidelibus nulla ratione in diebus Dominicis ieiunandum. Igini [Hygini] papae, qui constituit clerum, et gradus ecclesiasticos distribuit. |