| 1 | Octava sancti Ioannis Apostoli. Romae Antheri papae et martyris, qui vicesimus post B. Petrum, duodecim annis rexit Ecclesiam, et martyrum gesta diligenter exquisivit. Passus est sub Maximiano, et in coemeterio Callisti sepultus, via Appia |
| 2 | Apud Parisium S. Genovefae virginis, quae a B. Germano Antissiodorensi episcopo Christo dicata, admirandis virtutibus et miraculis late claruit, et usque octoginta annos in Christi servitute consenuit. |