Notkerus Balbulus, Gesta Caroli Magni, LIBER II., 4.
| 1 | Erant quoque ibi duo nothi de genicio Columbrensi procreati. |
| 2 | Qui cum fortissime dimicarent, requisivit imperator ab illis, qui et unde nati essent. |
| 3 | Quo comperto, meridiano tempore eos ad tabernaculum suum vocatos sic allocutus est: 'Boni iuvenes, volo, ut mihi non alii serviatis'. |
| 4 | Qui cum se ad hoc venisse testarentur, ut vel ultimi in eius essent obsequio, dixit ille: 'Ad cameram meam servire debetis'. |
| 5 | Quod etiam dum indignatione dissimulata libenter se facturos esse faterentur, captato tempore, quo imperator quiescere cepisset, exierunt ad castra adversariorum et tumultu concitato, suo vel hostium sanguine servitutis notam diluerunt. |