Notkerus Balbulus, Gesta Caroli Magni, LIBER PRIMUS GESTORUM KAROLI, 2.
| 1 | Audito autem Albinus de natione Anglorum, quam gratanter sapientes viros religiosissimus regum Karolus susciperet, conscensa navi venit ad eum. |
| 2 | Qui erat in omni latitudine scripturarum supra caeteros modernorum temporum exercitatus, utputa discipulus doctissimi Bedae post sanctum Gregorium tractatoris. |
| 3 | Quem usque ad finem vitae iugiter secum retinuit, nisi quando ad ingruentia bella processit, adeo ut se discipulum eius et ipsum magistrum suum appellari voluisset. |
| 4 | Dedit autem illi abbatiam sancti Martini iuxta Turonicam civitatem, ut, quando ipse absens esset, illic requiescere et ad se confluentes docere deberet. |
| 5 | Cuius in tantum doctrina fructificavit, ut moderni Galli sive Franci antiquis Romanis et Atheniensibus equarentur. |