Notkerus Balbulus, De musica, DE TETRACHORDIS., TEXTUS THEOTISCUS.
| 1 | An dien finfzen sciton. |
| 2 | zalton sie quatuor tetrachorda. |
| 3 | An ahto seiton zuei disiuncta. |
| 4 | an sibenen zuei coniuncta. |
| 5 | daz chit zuei geskeideniu. |
| 6 | zuei ungeskeideniu. |
| 7 | Uuanda aber nu einer zu getan ist. |
| 8 | pediu sint siu alliu fieriu geskeiden. |
| 9 | Unde daz niderosta heizet gravium. |
| 10 | daz ander heizet fone allero sange uzlaze finale. |
| 11 | daz tritta superiorum. |
| 12 | daz fierda excellentium. |
| 13 | Taz aber fure die sehszen seiten an dero lirun driostunt sibene sint. |
| 14 | also ouh sumelichero organun driu alphabeta sint. |
| 15 | daz ist umbe dia sempfti getan. |
| 16 | daz man ana geleiten beiden handen. |
| 17 | ufstigendo folle singen muge sangolih. |
| 18 | unde oben anne gebreste. |
| 19 | nohturft ne uuerde. |
| 20 | dia hant ab demo oberosten alphabeto. |
| 21 | Ze uuehselonne an daz niderosta. |
| 22 | Tiu driu alphabeta sint tanne note so gelih. |
| 23 | daz an iogelichemo si diapason. |
| 24 | unde darana diatesseron. |
| 25 | unde diapente. |
| 26 | unde an diatesseron sin dri underlaza tonus tonus semitonium. |
| 27 | unde an diapente fiere. |
| 28 | tonus tonus semitonium tonus. |