Notkerus Balbulus, De musica, DE OCTO TONIS., TEXTUS THEOTISCUS.
| 1 | Yuuizin darmite. |
| 2 | daz an demo sange dero stimmo echert siben uuehsela sint. |
| 3 | die Virgilius heizet septem discrimina vocum unde diu ahtoda in qualitate diuselba ist. |
| 4 | so diu erista. |
| 5 | fone diu sint andero lirun. |
| 6 | unde andero rotun io siben sieten. |
| 7 | unde sibene gelicho genuerbet. |
| 8 | Pe diune gat ouh andero organum. |
| 9 | daz alphabetum nieht furder. |
| 10 | ane ze siben buohstaben dien eristen. |
| 11 | A B C D E F G. Tero sibeno sint fiere. |
| 12 | ih meino. |
| 13 | B C D E. allero sango uzlaza. |
| 14 | Tiu des eristen toni. |
| 15 | unde des anderen sint tiu habent uzlaz an demo B. Tiu des tritten. |
| 16 | unde des fierden sint. |
| 17 | an demo C. Tiu des finften unde des sehsten. |
| 18 | an demo D. Tiu des sibenden unde des ahtoden. |
| 19 | an demo E. Undeuuanda sangolih uuallon mag fone sinemo uzlaze nider. |
| 20 | unz zedemo finften buohstabe. |
| 21 | unde uf unz ze demo niunden, so daz iz trizene uberloufe. |
| 22 | also diu antiphona tuot an demo eristen tono Cum fabricator mundi. |
| 23 | bediu sint obenan zu zesezzenne. |
| 24 | des kemachen alphabeti sehse die eristen A B C D E F. unde nidenan dri die afterosten E F G. Tanne sint iro sehszene. |
| 25 | so uuio dien alten musicis finfzen buohstabo. |
| 26 | unde finfzen seiton gnuoge duohti. |
| 27 | Unde sie uuoltin daz tiu cithara so manige seiten habeti. |
| 28 | unzter oberosto demo niderosten in chade in quadruplo. |
| 29 | Taz ist tiu meista proportio. |
| 30 | unde meista simphonia. |
| 31 | diu bis diapason heizet. |
| 32 | diu fone anderen simphoniis bestat. |
| 33 | uuanda diatesseron unde diapente machont ein diapason. |
| 34 | so aber diatesseron unde diapente daz kemacha diapason. |
| 35 | So danne zue. |
| 36 | diapason ein bisdiapason. |
| 37 | fone diu uuerdent fier simphoniae an ein ero funden. |