| 1 | Nasutus sis usque licet, sis denique nasus, Quantum noluerat ferre rogatus Atlans, Et possis ipsum tu deridere Latinum: Non potes in nugas dicere plura meas, Ipse ego quam dixi. |
| 2 | Quid dentem dente iuvabit Rodere? carne opus est, si satur esse velis. |
| 3 | Ne perdas operam: qui se mirantur, in illos Virus habe, nos haec novimus esse nihil. |
| 4 | Non tamen hoc nimium nihil est, si candidus aure, Nec matutina si mihi fronte venis. |