| 1 | Bis quinquagenis domus est tibi milibus empta, Vendere quam summa vel breviore cupis. |
| 2 | Arte sed emptorem vafra corrumpis, Amoene, Et casa divitiis ambitiosa latet. |
| 3 | Gemmantes prima fulgent testudine lecti, Et Maurusiaci pondera rara citri; Argentum atque aurum non simplex Delphica portat; Stant pueri, dominos quos precer esse meos. |
| 4 | Deinde ducenta sonas, et ais non esse minoris. |
| 5 | Instructam vili vendis, Amoene, domum. |