| 1 | Municipem rigidi quis te, Marcella, Salonis Et genitam nostris quis putet esse locis? Tam rarum, tam dulce sapis. |
| 2 | Palatia dicent, Audierint si te vel semel, esse suam; Nulla nec in media certabit nata Subura Nec Capitolini collis alumna tibi; Nec cito ridebit peregrini gloria partus, Romanam deceat quam magis esse nurum. |
| 3 | Tu desiderium dominae mihi mitius urbis Esse iubes: Romam tu mihi sola facis. |