| 1 | Quare tam multis a te, Laetine, diebus Non abeat febris, quaeris et usque gemis. |
| 2 | Gestatur tecum pariter pariterque lavatur; Cenat boletos, ostrea, sumen, aprum; Ebria Setino fit saepe et saepe Falerno, Nec nisi per niveam Caecuba potat aquam; Circumfusa rosis et nigra recumbit amomo, Dormit et in pluma purpureoque toro. |
| 3 | Cum recubet pulchre, cum tam bene vivat apud te, Ad Damam potius vis tua febris eat? |