| 1 | Vendere, Tucca, potes centenis milibus emptos? Plorantis dominos vendere, Tucca, potes? Nec te blanditiae, nec verba rudesve querellae, Nec te dente tuo saucia colla movent? A facinus! tunica patet inguen utrimque levata, Inspiciturque tua mentula facta manu. |
| 2 | Si te delectat numerata pecunia, vende Argentum, mensas, murrina, rura, domum; Vende senes servos, ignoscent, vende paternos: Ne pueros vendas, omnia vende, miser. |
| 3 | Luxuria est emere hos - quis enim dubitatve negatve? - , Sed multo maior vendere luxuria est. |