| 1 | Non silice duro structilive caemento, Nec latere cocto, quo Samiramis longam Babylona cinxit, Tucca balneum fecit: Sed strage nemorum pineaque conpage, Ut navigare Tucca balneo possit. |
| 2 | Idem beatas lautus extruit thermas De marmore omni, quod Carystos invenit, Quod Phrygia Synnas, Afra quod Nomas misit, Et quod virenti fonte lavit Eurotas. |
| 3 | Sed ligna desunt: subice balneum thermis. |