| 1 | Haec est illa meis multum cantata libellis, Quam meus edidicit lector amatque togam. |
| 2 | Partheniana fuit quondam, memorabile vatis Munus: in hac ibam conspiciendus eques, Dum nova, dum nitida fulgebat splendida lana, Dumque erat auctoris nomine digna sui: Nunc anus et tremulo vix accipienda tribuli, Quam possis niveam dicere iure tuo. |
| 3 | Quid non longa dies, quid non consumitis anni? Haec toga iam non est Partheniana, mea est. |