| 1 | Horas quinque puer nondum tibi nuntiat, et tu Iam conviva mihi, Caeciliane, venis, Cum modo distulerint raucae vadimonia quartae Et Floralicias lasset harena feras. |
| 2 | Curre, age, et inlotos revoca, Calliste, ministros; Sternantur lecti: Caeciliane, sede. |
| 3 | Caldam poscis aquam: nondum mihi frigida venit; Alget adhuc nudo clusa culina foco. |
| 4 | Mane veni potius; nam cur te quinta moretur? Ut iantes, sero, Caeciliane, venis. |