| 1 | Qui nunc Caesareae lusus spectatur harenae, Temporibus Bruti gloria summa fuit. |
| 2 | Aspicis, ut teneat flammas poenaque fruatur Fortis et attonito regnet in igne manus! Ipse sui spectator adest et nobile dextrae Funus amat: totis pascitur illa sacris; Quod nisi rapta foret nolenti poena, parabat Saevior in lassos ire sinistra focos. |
| 3 | Scire piget post tale decus, quid fecerit ante: Quam vidi, satis hanc est mihi nosse manum. |