| 1 | 'Si quid opus fuerit, scis me non esse rogandum' Uno bis dicis, Baccara, terque die. |
| 2 | Appellat rigida tristis me voce Secundus: Audis, et nescis, Baccara, quid sit opus. |
| 3 | Pensio te coram petitur clareque palamque: Audis, et nescis, Baccara, quid sit opus. |
| 4 | Esse queror gelidasque mihi tritasque lacernas: Audis, et nescis, Baccara, quid sit opus. |
| 5 | Hoc opus est, subito fias ut sidere mutus, Dicere ne possis, Baccara: 'Si quid opus'. |